ARON masiguro ang kaluwasan sa mga empleyado sa Kapitolyo Probinsyal mismong mga ulo sa departamento kon Misamis Oriental Department Heads Association (MODHA) nagpaubos og rapid detection test (RDT).
Adlawng Miyerkules Agusto 5, 2020 mga alas 9:00 sa buntag naglinya gawas sa buhatan sa Provincial Health Office (PHO) ang mga ulo sa departamento kay mandato ni Provincial Task Force Chief Dr. Jerie Calingasan ug Governor Bambi Emano nga kinahanglan masiguro nga negatibo sila sa makamatay nga Corona Virus Disease (Covid-19) labina sa ilang pagsulod sa ilang tagsa-tagsa ka mga buhatan ug pagpauli ngadto sa ilang tagsa-tagsa ka pamilya.
Gawas sa MODHA una na nga mipailawom sa RDT ang mga sakop sa Bureau of Fire Protection sa lalawigan lakip na ang pipila ka mga sakop sa Provincial Information Office (PIO).
Matud ni Provincial Task Force for Covid-19 Spokesperson Atty. Jeffrey Saclot , mahinungdanon ang pagpaubos sa MODHA sa RDT aron pagsiguro nga luwas sila sa virus.
“Mahinungdanon kaayo kay if anyone would turn out to be positive mabalda gyud ang operasyon sa opisina and of course ang mga direct contacts nga mga empleyado maapektohan. We hope nga negative tanan ang results para padayun gihapon ang pagserbisyo,” matud ni Atty. Saclot.
Dugang niini nga kamandoan kini ni Governor Bambi ug Task Force Chief Calingasan.
“This is an initiative of Dr. Jerie Calingasan our chief of the Task force and of course of Gov. Bambi Emano. The Governor and the chief have actually set an example already kay nagpa test gyud sila. Now this time mga department heads nasad para ma mahibaw-an sa publiko kung safe ba gyud ang Kapitolyo Probinyal labina kay nagpadayun ang pagtunol sa serbisyo pag-fight against Covid-19,” matud ni Atty. Saclot.
Si Engr. Tessie Gales sa Provincial Engineering Office nalipay sa inisyatiba ni Governor Bambi ug Dr. Calingasan.
“Ako mapasalamaton kaayo ko kay Gov. Bambi Emano nga iyang gipa rapid test iyang mga department heads una para safety sad ang amu mismong pamilya ug ikaduha ang among sakop sa opisina.”
Tinguha sa liderato ni Governor Bambi Emano uban sa kamadasigon nga pagdumala ni Dr. Calingasan sa Task Force nga luwas ug maprotektahan sa makamatay nga Covid-19 ang tanang katawhan sa Misamis Oriental lakip mga empleyado sa kapitolyo probinsyal