MAPASALAMATON ang duha ka mga mag-uuma ngadto sa buhatan sa Provincial Agriculture Office (PAGRO) labina gyud sa liderato ni Governor Bambi Emano tungod nahimong benepisaryo sa buhatan sa Market Facilitation Program sa buhatan.

Kining maong programa sa PAGRO abag mismo sa mga mag-uuma aron dili na sila maglisod sa pagbaligya sa ilang abot ang buhatan uban ang Ficco Foundation na mismo ang mangita og buyer aron mabaligya ang abot sa ilang mga uma ug mabayaran deretso.

Niadtong adlaw nga Biyernes, Oktubre 2, 2020 nagpahigayon og Market Facilitation Program ang PAGRO ngadto sa Barangay Kaulayanan, lungsod sa Sugbongcogon kon diin giadtoan mismo sa buhatan uban ang Ficco Foundation ang duha ka mga mag-uuma arun makuha ang ilang produktong kamote og mahatod ngadto sa buyer.

Niining krisis nga nasinatian hatod sa Corona Virus Disease (Covid-19) usa sa labing apektado ang mga mag-uuma dili lamang sa lalawigan apan tibuok nasud ug lisod alang kanila ang pagbaligya sa ilang abot ngadto sa katawhan apan mas mapasayon na kini dinhi sa lalawigan kay ang Administrasyon ni Governor Bambi Emano pinaagi sa buhatan sa PAGRO dili molantaw nga magkalisod ang mga mag-uuma ug sila kanunay gyud nga pagatabangan.