LAING pagpamatuod na usab nga ang kasamtangang namunuan sa pangagamhanang lokal sa Misamis Oriental human gipasidunggan sa Philippine Chamber of Commerce and Industry (PCCI) isip top 16 most business-friendly local government unit sa province category niadtong Oktubre 3, 2019, sa PCCI Board Room, Fort Bonifacio, Taguig City.
Ang Philippine Chamber of Commerce and Industry (PCCI) nagapahigayon sa tinuig nga Search for Most Business-Friendly Local Government Units sa tibuok Pilipinas, sa tumong nga mahibaloan ug mapalanog ang transparensiya ug katarong sa gobernadores ug mayores sa ilang pangatungdanan; ug usab mahimong ehemplo ngadto sa uban nga naghatag epektibong serbisyo sa katawhan ug mga reporma sa pag-atiman sa tanang adunay transaksiyon sa ilang tagsa-tagsa ka balay-lungsod.
Karong Oktubre 17, 2019, human ma depensahan sa gobernador ang pwesto ngadto sa top 16, malaumon kini nga masulod sa top 3 ang lalawigan sa Misamis Oriental, atol sa 45th Philippine Business Conference and Expo sa Rizal Park Hotel, Manila, nga adunay tema: “Enabling Business in a Digital Economy”.