ANG Local Government Unit (LGU) sa Misamis Oriental, gika-ingong pinaka business-friendly sa tanang LGUs dinhi sa Mindanao.

Sulti pa ni FDC Misamis President and Chief Executive Officer Juan Eugenio L. Roxas, tungod sa labihan ka business-friendly ang LGU-Misamis Oriental, wala na silay pangayuon pa sa pamunuan ni Gobernador Bambi Emano.

“Wow! We cannot ask for more. Grabe kaayo ang suporta…especially sa probinsya kang Gov. Bambi Emano,” matud ni Mr. Roxas, ug midugang pag-ingon nga nasulayan na nila ang ubang probinsiya, lahi gyud ang treatment sa pangagamhanang lokal ngadto sa mga kapitalista.

“Ako nagkadiin diin na og manage sa power generating companies pero ang Misamis Oriental ang pinaka business friendly nga province nga akong nakita kay anything nga unsa among makita panginahanglan naa sila andam motabang mosusporta kanamo and it really shows that they are pure business. Nakita man ninyo nga paspas ang development sa Misamis Oriental ug ang phivedic karon attracting so many investors nakita ninyo ang development diha sa Phividec ang problema to dili maka take oath kay walay kuryente karon we are very proud to announce sa tibouk Mindanao nga ang FDC Misamis ang usa na sa pinaka mubo og singil sa kuryente,” dugang pagdayeg niini sa LGU Misamis Oriental.

Dinhi sa Misamis Oriental, tungod kay wala sukad madungog si Gobernador Bambi Emano nga nangilkil sa mga kapitalista, midaghan pa ang nagsalig sa iyang pamunuan ug mibubo sa ilang negosyo dinhi sa lalawigan, butang nga gikasakit sa mga kaatbang sa pulitika sa gobernador kon ngano dili na hinuon sila maka-kwarta kay dili naman hinuon sila makapangilkil.