Gipasundayag sa tanang Miss Earth 2019 candidates atol sa Press Conference karong adlawa- Oktubre 7, 2019 sa MisOr Provincial Training Center dili lang ang ilang maanyag nga mga panagway, lakip na ang malantip nila’ng salabutan pinaagi sa pagtubag sa mga pangutana atubangan sa prensa. Pati mga adbokasiya napalanog ug nahatagan katin-awan sa ilang sinseridad nga mubarog alang sa pag-protehir, pag-preserba, ug pagluwas sa kinaiyahan.
Dako usab ang pasalamat ni Gobernador Bambi Emano sa Miss Earth organization tungod kay usa ang Misamis Oriental sa tibuok Pilipinas nga ilang napili sa pagpahigayon og eco-tour taliwala paman nga ang isla sa Mindanao anaa pa sa marshall law ning panahona. Apan gisiguro niini nga anaa sa stable state ang lalawigan kung hisgutan ang kahusay ug kalinaw.
Dugang pa sa Gobernador nga padayon kining mo-suporta sa Miss Earth competition hangtod nga siya pa ang Gobernador sa lalawigan.