Hilabihan ka-bibo ang Kapitolyo Probinsyal karong adlawa, Lunes – Oktubre 7, 2019 atol sa senemanang pagpakayab sa nasudnong bandila tungod kay nakigduyog ang 14 ka mga maanyag nga kandidata sa Miss Earth 2019.
Mainitong giabi-abi sa kapitolyo ang mga kandidata nga nagpakita sa ilang abilidad sa pagrampa dungan sa pagsyagit sa ilang nagkadaiyang nasud.
Matud pa ni Gobernador Bambi Emano nga laing higayon na usab kini nga mas molambo pa ang industriya sa turismo ug ang ekonomiya sa lalawigan, hilabina subling mapalanog ngadto sa tibuok kalibotan nga luwas ang Mindanao samot na ang Misamis Oriental nga suroyan sa mga kaigsuonang lokal ug langyawng turista.