ISIP reigning Mister Filipinas Misamis Oriental 2019, naka-sentro ang adbokasiya ni Bonaparte “Bonjour” Veloso Adaza Jr. ang edukasyon, proteksiyon, sports development ug skills training para sa mga persons deprived of liberty (PDL) kon mga binilanggo.

Gani, nahimo na kini ni Bonjour human gayud niini madawat ang iyang P100,000 nga cash award sa pagkapili isip Mister Filipinas Misamis Oriental 2019 sa koronasyon niadtong Mayo 22, 2019, sa Limketkai Luxe Hotel. Ang maong kwarta gi-donar sa ulitawo ngadto sa Skills Masters Institute (SMI) alang sa skills training sama sa bread and pastry sa tabang usab sa Bureau of Jail Management and Penology (BJMP), Smiles Foundation, ug SMI para sa mga binilanggo.

Kini ang unang higayon ni Bonjour nga mosalmot sa nasangpit nga indigay. Apan tungod kay nahatagan sa kahigayonan nga mo-representar ngadto sa national stage sa Mister Filipinas 2019 sa kaulohan, hilabihan ang iyang preparasyon sa nasangpit nga kompetisyon. Pasalamat na lamang sa batan-ong pilantrupo nga anaa kanunay nagpaluyo si Gobernador Bambi Emano sa iyang laraw susama usab sa ubang kandidata o representante sa nagkadaiyang local, national ug international pageantries.

Sa iyang bahin, gi-awhag ni Gobernador Bambi Emano ang publiko nga unta suportahan ang bugno ni Bonjour ngadto sa national stage karong Setyembre 21, 2019, sa San Juan FilOil Arena, alas 7:00 sa gabii, dugtong sa saad sa ulitawo nga himuon niini ang tanan aron makab-ot ang kadaugan sa maong indigay.