Garbo sa probinsya sa Misamis Oriental si Ms. Berjayneth Chee, Ms. Kuyamis 2017, nga moapil sa umalabot nga Miss Philippines Earth 2018, diin ang koronasyon niini pagahimuon sa May 19, 2018 sa MOA Arena, Metro Manila. Personal si Ms. Berj naghangyo ngadto sa publiko sa ilang suporta kaganinang buntag atol sa pagpakayab sa nasudnong bandila sa hawanan sa Kapitolyo Probinsiyal sa Misamis Oriental. Matud ni Atty. Jeffrey Saclot, ang Provincial Tourism Officer, dili matukib ang ilang kalipay sa daku kaayo nga suporta ni Gobernador Bambi Emano ngadto kang Ms. Berj ug sa uban pang mga kandidata kinsa nagdala sa pangalan sa lalawigan ngadto sa nasudnon ug international pageant. Garbo matud pa sa gobernador nga mapasigarbo ang “Best of Misamis Oriental” ngadto sa tibuok kalibotan. Kauban ni Atty. Saclot ug Ms. Berj sila si Board Members Buboy Sabal, Lanoy Winstanley ug Wayne Militante. Anaa usab kauban si Doc. Benjie Resma ug Provincial Administrator Atty. Jocelyn Lood-Mateo. Hulagway kuha ni Lambo Explorer Belle Rebultan