Sa gakaduol nga coronation night sa gikahinaman nga Miss Universe Philippines 2020 karong oktobre 25, gibutyag sa local pageant site nga Pageanthology 101 ang ilang unang hot picks.

Kini alang sa pagpadangat sa ilang opinion sa posibleng makasulod sa top 20 sa pinakaunang edition sa Miss Universe Philippines pageant human kini gibulag ang prangkisa sa Binibining Pilipinas.

Gawas sa gidaghanon nga 48 ka mga kandidata, ang nagdala sa ngalan sa Misamis Oriental nga si Caroline Veronilla anaa sa ika 8 nga pwesto sa maong prediction.

Sa ilang post gibutyag sa pageant site nga ang maong unang Hot pick gi-base sa tanang migawas nga photos, videos og live interviews sa mga kandidata. Gipaambit sab niini nga ang ilang final prediction ipagawas human sa Preliminary Competition.

Nabantayan nga kanunay makita si Caroline Veronilla sa mga video promotions sa Miss Universe. Kini nagpamatuod nga dili lang mga nindot nga lugar ang mapasigarbo sa Misamis Oriental apan ang kaanyag sa katawhan nga angay lamang makita sa tibuok kalibutan.

Nadani sab ang mga hurado sa kalantip sa panghunahuna ni Caroline labi na sa mga question and answer portion diin napadayag niini ug sakto ang iyang mga panghunahuna sa matag isyu