TODO ang suporta sa hugpong sa magbababoy dinhi sa amihanang Mindanao ngadto kang Gobernador Bambi Emano sa iyang kampanya batok sa posibleng paghitak sa African Swine Fever (ASF) virus partikularmente dinhi sa Misamis Oriental. Gani, nag-donate pa sila og 25 ka lechon baboy atol sa culmination activity sa Meat Safety Consciousness Week sa kapitolyo ning bag-o.

Ang ASF nagdala’g kabalaka ug kahadlok sa mga konsumante sa karneng baboy ug mga produkto niini, problema nga giatubang sa pipila ka probinsiya sa Pilipinas gawas sa Misamis Oriental nga nakapangandam nang daan pinaagi sa gipagula nga Executive Order sa gobernador sa milabay nga bulan. Matud sa Northern Mindanao Hog Raisers Association, kung wala nagpagawas si Gobernador Emano sa maong kasugoan, tabla ray nahitabo sa pipila ka lalawigan didto sa Luzon.