Gidaseg ni Gobernador Bambi Emano ang tanang Accountants sa tibuok rehiyon nga ang isla sa Mindanao dili angay kahadlukan, atol sa gipahigayong pinakaunang Northern Mindanao Regional Joint Sectoral Summit in Public Practice & Education sa Philippine Institute og Certified Public Accountants (PICPA) ug National Association of Accountants in Education.
Daku pod ang pasalamat ni Mr. Ferdinand Rodriguez, PICPA Senior Regional Director, kay Gob. Bambi Emano tungod kay usa ang Gobernador sa dakung kontribusyon pag-abot sa malambuong business sector sa rehiyon.
Nagtuo ang Gobernador nga ang hugpong sa mga accountants sa rehiyon, daku ug ikatabang sa pagpakaylap sa maayong kahimtang sa kahusay ug kalinaw aron mosulod ang daghang patigayon ug mapalambo ang industriya sa Turismo.