NAGMALAMPUSON ang tulo ka adlaw nga one-stop-shop license to own and possess firearms (LTOPF) caravan nga gipahigayon sugod niadtong Oktubre 8 hangtud 10, 2019, sa may Provincial Training Center sa kapitolyo probinsiyal sa Misamis Oriental.

Mikabat sa 252 ka aplikante ang malampuson nga nakakuha sa ilang tagsa-tagsa ka lisensiya aron legal nga makahawid ug makaangkon sa personal nga armas sulod lamang sa pila ka menuto sa ilang paghikay sa papeles ug rekisitos, susama sa NBI, ug uban pa. Lakip na niini ang 75 nga mga empleyado sa kapitolyo; 99 mga kapitanes sa lalawigan sa Misamis Oriental ug dakbayan sa Cagayan de Oro; ug 78 nga walk-in applicants.