Atol sa senimanang pagpakayab sa nasudnong bandila pangulohan ni Governor Bambi Emano pormal na nga gidawat ang mga ekipo gikan sa buhatan sa Department of Trade and Industry (DTI) ubos ni Provincial Head Eliza Pabillore. Gipasabot ni Gov. Bambi Emano nga ang maong mga ekipo sama sa aircondition, laptop ug uban pa ang ipahimutang sa gikatakda nga DTI Negosyo Center/Pasalubong Center nga ipahimutang sa parke sa kapitolyo nga moatubang sa Tennis court, ug tapad sa buhatan sa National Bureau of Investigation (NBI-10). “Duha kini ka andana nga gama sa espiho ug puthaw tanan, bout pasabot…haruhay ug hayahay.” matud ni Gov. Bambi ug midugang nga sa kinatibuk-an adunay gidak-on nga 253.75 square meter. Ang ikaduhang andana maoy buhatan sa Provincial Tourism Office nga adunay gidak-on nga 133.75 square meter diin sulod niin mao ang tourism office, conference room, rest rooms, ug Tourism Department Head office. Samtang ang unang andana adunay gidak-on nga 120 square meter diin sulod niini mao ang negosyo center, leipo area, working area, bar counter, display area ug coffee shop. Denhi sa unang andana mao ang pasalubong center diin dinhi mapalit ang mga nagkadaiyang prudokto nga nagikan lamang sa Misamis Oriental. Dili mawala sa maong mga prudokto ang garbo sa probinsya ug nag-inusara sa Pilipinas nga mao ang Oolong tea tungod kay sulod sa negosyo center ug gawas adunay coffee shop. Sa gawas nga bahin adunay mga dagkong payong alang sa gipangbutang nga lamesa ug mga bangko aron makapahulay, maka-tea ug makapangape sa Negosyo Center ang mga bout mosuroy sa parke sa kapitolyo. Usa sab dayon ka dako nga LCD screen ang mahimutang sa atubangan sa maong center diin denhi ipakita ang audio visual presentation sa ilang mga tourist spot sa nagkadaiyang lungsod sa Misamis Oriental. Matud ni Gov. Bambi nga andam na ang budget niini ug sugdan na sa pagtukod. Adunay 20 porsiyento nga pundo gikan sa Development fund ug General fund, P3 milyon gikan sa daog sa probinsya niadtong tuig 2017 nga mao ang Seal of Good Local Governance (SGLG) ug P500,000.00 gikan sa buhatan sa DTI diin sa kinatibuk-an moabot og P10 milyon alang sa katukoran niini. PR/PIO

a sneak peek of the proposed Provincial Tourism Office and Negosyo Center of Misamis Oriental. This building, which will be implemented and launched this year, will serve as an added attraction at the Misamis Oriental Provincial Capitol Park and certainly boost the Tourism Program of Gov. Bambi Emano.
Facebook Video Link: https://www.facebook.com/geofdel/videos/10213554215562893/

See also: http://www.sunstar.com.ph/cagayan-de-oro/business/2018/02/08/2-storey-negosyo-center-rise-capitol-grounds-587986