Tumataginting nga P10 milyones balor sa proyekto ang gitunol ni Gobernador Bambi Emano ngadto sa katawhan sa Tagoloan, Misamis Oriental, atol sa kapistahan ni Seniora Dela Candelaria, sa nasangpit nga lungsod, niadtong Pebrero 1.

Kini, alang sa pagsulbad sa gikinahanglang pagtul-id sa panubig sa nasangpit nga lungsod.

Dakung ginhawa kini kang Tagoloan Mayor Manok Emano, tungod kay daw taud-taud na usab kini nga gihulat sa katawhan aron usab sila mahatagan sa mas komportable nga pamuyo, samtang nagkalipay sa daghanang tubig sa ilang lugar.

Didto usab naka-saksi sa pagtunol sa nasangpit nga pundo sila si Board Member ug kandidato Bise Gobernador Prexy Elipe, kandidato Board Member Saysay Emano, kandidato Board Member Pangkie Acain, kandidato Board Member Dexter Yasay, Board Member Boboy Sabal ug Board Member Nancy Madjos.

Kung hisgutan ang kalamboan ug kaayohan sa lungsod sa Tagoloan ubos sa pamunuan ni Gobernador Bambi Emano, medyo gayud maulahi, tungod kay dili maayo lantawon nga mas gipalabi pa sa gobernador ang iyang ginikanang lungsod kompara sa ubang kalungsuran sa Segundo ug Unang distrito sa Misamis Oriental.