PORMAL na nga gitunol ni Gov. Bambi Emano ang P200,000 ngadto sa First Initao Elementary Teachers Employees Retirees Multi-Purpose Cooperative (FIETERMPCO), atol sa sinemanang pagpakayab sa nasudnong bandila sa kapitolyo, Mayo 18, 2020, via Zoom App sa internet. Lakip si Provincial Cooperative Officer Mr. Alberto Acain malipayong mitunol sa cheke ngadto sa nasangpit nga kooperatiba.
Hilabihan uyamot nga kalipay ni Ms. Letecia Sumbilon, chairwoman sa FIETERMPCO, sa nadawat nga ayuda isip dugang puhunan sa ilang negosyo nga pautang, bugas, appliance ug gadgets.
Nagtuo si Ms. Sumbilon nga ilang makab-ot ang tanang pangandoy sa ilang mga miyembro sa kooperatiba nga naghangad og maayong kaugmaon pinaagi sa ilang liderato.
Natukod ang FIETERMPCO natukod Pebrero 12, 2010. Aduna na kini 73 ka miyembro ug adunay total current assets nga mokabat sa P2,137,402.00.