Hingpit ng gitunol ang 80,000 pesos sa Sitio Capunggukan,Brgy. Looc Salay ug 900,000 pesos sa Binuangan Misamis Oriental.

Si Julie Tagarda Dagaya, day care worker sulod sa 25 na ka tuig, nagkanayon daku’g ikatabang ang day care center kung matukod kini sa Sitio Capunggukan, Brgy. Looc, Salay, Misamis Oriental, hilabina sa pagka karon anaa ang kabataan magpahigayon sa klase sa may plaza.

Mao na lamang ang pasalamat ni Ms. Dagaya nga nahatagan intawon ang ilang barangay sa ayudang pinansiyal alang sa pagpalit sa luna nga katukoran sa tunghaan alang sa gagmay’ng kabataan. Gidawat ni Brgy.Kapitan Felixarte Agukoy ug ni Salay Mayor Angelo “Junjun” Capistrano ang maong ayuda atol sa pagpahigayon og hamubong programa alang sa turn over funds sa Sitio Capunggukan niadtong Lunes, Setyimbre 23,2019.

Samtang sa maong adlaw usab, nagpahigayon og Brgy. Bambi (Bililhon Ang Matag Baryuhanon Ipalambo) sa lungsod sa Binuangan, nagtunol usab ang pangagamhanang lokal sa Misamis Oriental og balor 300,000 pesos nga pundo alang sa phase 1 sa pag repair sa multi-purpose hall sa Brgy. Kitambis. Ang pundo gikan sa Brgy. Empowerment program ni Gobernador Bambi Emano.

Laing 300,000 pesos usab ang gitunol ngadto sa Brgy. Dampias nga gidawat ni Brgy. Kapitan Cerilo C. Ignalig alang sa proyektong covered court. Samtang si Brgy. Kapitan Arsenionito S. Kho sa Brgy. Mabini nakadawat usab og 300,000 pesos alang sa proyektong basketball covered court. Didto usab si MOISC General Manager Prexy Elipe alang sa signing sa Memorandum of Agreement tali sa mga kapitanes ug provincial government.

Ang lungsod sa Salay consistent awardee sa National Most Child Friendly Municipality sa tibuok nasud ug aron mas mapahingusgan pa kini, walay pagduha duha nga misaad si Gobernador Bambi Emano nga mosuporta sa tanang kalihukan alang sa pagkab-ot sa maayong kaugmaon sa kabataan.