Sa pag-abot sa 14 ka mga kandidata sa Miss Earth 2019 dinhi sa lalawigan sa Misamis Oriental, adlawng Domingo-Oktubre 6, 2019, isa sa dakong epekto sa ilang pagbisita mao ang dugang kapangitaan sa mga taga-Misamisnon.
Matud pa ni Provincial Tourism Officer, Atty. Jeffrey Saclot, nga aduna nay giandam nga mga lamiang pagkaon sa lalawigan alang sa mga kandidata sa ilang pagbisita dinhi sa probinsya ug makatabang kini sa tanang Misamisnon ilabina sa mga gagmayng magtitigayon.
Uban sa mga kandidata nga mamahimong tour guide sa ilang pag suroy sa probinsya mao si Ms. Philippines Air 2019 Ana Monica Tan ug niya pa nga mahimong maila pa ang Misamis Oriental sa tibuok kalibutan tungod niini nga kalihukan.