Nagpakanaog ug bag-ong kamanduan si Provincial Task Force for COVID-19 Chief Dr. Jerie Calingasan ngadto sa mga mayor sa mga munisipyo ug syudad, kapulisan sulod sa Misamis Oriental nga mas pahugtan ang pagpasulod sa mga indibidwal dinhi sa lalawigan.

Mando ni Dr. Calingasan nga ang mga Authorized Person Outside of Residence (APOR) gikan sa laing lalawigan sulod sa Region 10 gikinahanglan nga magpakita sa ilang mga identipication card ug gikinahanglan mopresentar og papeles nga nagpamatuod nga importante ang ilang tuyo sa pagsulod sa lalawigan sa Misamis Oriental.

Samtang ang mga indibidwal nga nagikan sa laing rehiyon gikinahanglan nga magpresentar og Travel Authority nga giisyu sa Philippine National Police kon asa sila nagikan lakip niini ang medical clearance certificate kung usa ka APOR gikan sa laing rehiyon kinahanglan ang ID lakip awtorisasyon gikan sa gitrabahoan nga ang tuyo sa lalawigan panarbaho lakip ang indibidwal nga kinahanglan importante o essential ang tuyo.

Gimando kini ni Dr. Calingasan sugod Agusto 12, 2020 samtang ubos sa Modified General Community Quarantine (MGCQ) ang lalawigan kay bout sa Provincial Task Force nga ma-monitor ang lihok sa mogawas ug sulod sa lalawigan ug malikayan ang dugang pagsaka sa ihap sa kaso sa Corona Virus Disease (COVID-19).