NAGTOO si Gobernador Bambi Emano nga ang pagsunod sa mga gabayan pagbatok sa Corona Virus Disease (Covid-19) usa sa dakong ikatabang nga dili na mas mukatap pa ang makapatay nga virus ug dili na mutaas pa ang kaso niini sa lalawigan sa Misamis Oriental.

Ang pagka-maampingon sa katawhan makatabang sab og dako sa mga Frontliners ug mga Health Workers nga karon padayon ug walay undang sa pagpaningkamot mabatokan lang ang makamatay nga virus.

Niini, kinasing kasing naghangyo si Gobernador Bambi nga mosunod lang sa mga gabayan kay dako kini nga tabang sa Provincial Task Force for Covid-19 ug Local Government Unit (LGU) sa kalungsoran.

“Hopefully our teachers, parents, students will be able to help us also the Local Government Unit. We are prepared but if we will not be careful , we might blow again positive cases out of proportion,” matud ni Gov. Bambi.

Gihangyo sab niini ang mga ginikanan nga kung ang ilang mga anak mogawas kay magtungha dili kalimtan nga ipahinumdom kanila nga magsul-ob og face masks, maghugas sa kamot o magdala sa alcohol ug kanunay nga musunod sa physical distancing.

Nagpadayon ang panglimbasog sa lalawigan nga mapukan ang Covid-19 ug dili kini mahimong babag sa pang-adlaw adlaw nga gimbuhaton sa katawhan, pagpahimsog balik sa ekonomiya ang importante lamang nakasunod sa insakto nga mga gabayan.