“Dako kaayo og tabang sa mananagat namo…kay kana man gud ang payaw silunganan mana siya sa mga isda. Pag mosilong ang mga isda didto, unya pwede na mataktakan sa mga mananagat, then didto siya makahatag kanamo og saktong panginabuhian. Ang payaw usa sa mga makahatag og kaayuhan sa mga mananagat,” matud pa ni Nida Elloren, ang presidente sa Libertad Fisherfolk Association sa lungsod sa Libertad ug usa sa mga benepisyaryo niini nga proyekto.
Lakip sa 10 nga nakadawat sa maong libreng gamit pangisda ang kapunungan sa mananagat sa Odiongan sa Gingoog; San Jose P5-A Fisherfolk Association sa Talisayan; Brgy. Buko Fisherfolk Association sa Kinoguitan; Dampias Fisherfolk Association sa Binuangan; Poblacion Fisherfolk Association sa Salay; Lagonglong Fisherfolk Association sa Lagonglong; Tubajon Consumers Cooperative sa Laguindingan; Libertad Fisherfolk Association; Barra Fisherfolk Association sa Naawan; ug P3 Fisherfolk Rescue Association sa Manticao.
Ang payao project materials naglangkob sa pisi, styrofoam- jumbo sized, semento, ligid sa jeep ug uban pa nga mibalor sa P58,260.00. Kini, maoy nadawat sa matag benepisyaryo sa nasangpit nga proyekto ni Gobernador Emano ngadto’s mananagat.