Karong adlawa- Oktubre 18, 2019, ang Culmination Program sa 2019 Meat Safety Consciousness Week kung asa makasaysayanong gisaulog kini dinhi sa Misamis Oriental Provincial Capitol pinaagi sa pagdungan ug kaon sa paniudto kon Boodle Feast sa tanang empleyado sa Kapitolyo uban ang nagkalain-laing guests sama sa Northern Mindanao Hog Raisers Association, OroVet, ug Pilmico, lakip na si Miss Millenial MisOr 2019 Chella Falconer, John Mark Digamon nga nahimong finalist sa Tawag ng Tanghalan Resbak ning bag-o, ug ang mga invited media practitioners sa nagkadaiyang estasyon.
Tumong sa kalihukan ang pagpamatuod nga safe kaunon ang karneng baboy dinhi sa lalawigan sa Misamis Oriental. Panghinaot usab ni Gobernador Bambi Emano kauban ang mga Provincial Board Members ug ni Provincial Veterinary Officer Dr. Benjamin Resma nga mahingusgan ang pagpalanog sa suporta ngadto sa tanang local farmers kung asa niining pagdagsang sa ASF (African Swine Fever) nga nanglimbasog gayud aron nga mapabiling secure ang tanang Misamisnons, hilabina ang hog industry.
Daku ang kalipay sa tanan nga misaulog sa maong selebrasyon nga wala lang nabusog sa lamiang 23 ka lechong baboy, 2kls nga humba, mga barbecues, ug halang-halang nga lamang loob, apan nakatabang pa nga mapadayag ngadto sa uban nga dili angay mabalaka kay dinhi sa Misamis Oriental, secure tanan lakip na secure usab ang mga baboy.