DUGANG hinabang na usab ang nadawat sa kapitolyo probinsyal sa Misamis Oriental niadtong Mayo 20, 2020. Kini ang 1,000 ka food packs isip relief goods gikan kang Pres. Rodrigo Duterte.
Dunay sulod 3 kilos nga humay, 4 pancit canton, 3 cans sa meat loaf, 3 cans sardines, 1 powdered milk, ug 1 pack nga biscuit.
Gitunol ang hinabang pinaagi ni Mr. Niño Contreras, ang Presidential Management Staff, nga malipayon usab nga gidawat ni Gov. Bambi Emano.
“Ipaabot kang Presidente Duterte among kinasingkasing nga pasalamat sa iyang gihatag, among paningkamotan nga among mahatag namo ni sa mga senior citizens sa entiro Misamis Oriental,” mensahe ni Gov. Emano atol sa maong okasyon.
Nakatakdang ipangtunol ni Gov. Emano ang maong hinabang ngadto sa mga frontliners sa ospital ug checkpoints, lakip mga senior citizens sa tibuok lalawigan.