KAMPANYA sa buhatan sa Provincial Veterinary Office (PVET) nga masugpo ang rabbies ug maubsan ang pag-anak sa mga binuhing iring ug iro hinungdan padayon ang ilang kampanya nga spay and neuter ug mass vaccination.
Naghatag og serbisyo ang PVET sa pagpanguna ni Dr. Benjamin Resma ngadto sa mga dog and cat owners nga buot magpakapon ug magpalaygit sa ilang mga binuhing iring ug iro.
Ang spay mao kini ang pag-laygit sa mga iring ug ang neuter mao ang pagkapon sa mga iro.
Usa lamang kini sa tulo ka component nga giila sa PVET nga mga lakang sa ilang rabbies eradication campaign o pagsugpo sa rabbies aron walay mabiktima niini sa lalawigan.
Lakip sa programa sa buhatan ang Mass Vaccination ug Information Education Campaign.
Gibutyag ni Dr. Benjamin Resma nga niadtong mga milabay nga adlaw wala kaayo nakabisita sa buhatan posible tungod sa kahadlok sa Corona Virus Disease (Covid-19).
Apan sa kasamtangan nagsugod na sa pagdagsa ang mga nanag-iya og mananap aron maka-avail sa programa.
Gawas sa paghatag serbisyo sa mga walk-in nga mga pet owners ang buhatan naghatag sab og mass vaccination, IEC lakip spay and neuter services ngadto sa kalungsoran sa lalawigan.
Kini uban sa pakig-alayon sa mga munisipyo mohatag sab ang PVET og technical assistance sama sa pag inject, opera ug uban pa.
Gipanawayan sab ang katawhan labina niadtong bout maka-avail sa spay ug neuter services sa PVET, mamahimo lamang nga mobisita sa ilang buhatan alang sa pagpa schedule og appointment.