Gikakurat apan maikagong gidawat ni Gob. Bambi Emano ang pagpili kaniya isip Regional Chairman (Region 10) sa “Sulong Ang Pag-unlad(SAP) BONG GO FOR SENATOR MOVEMENT”. Gawas nga kini usa ka pribilihiyo, apan mas gikahinaman sa amahan sa lalawigan ang mga advantages niini kung magmalampuson ang maong opisyal sa iyang tinguha sa Senado karong 2019. “Si SAP Bong usa ka Mindanaoan, suod kaayo sa atong presidente ug bisdak usab sa kinaiya ug pinulongan mao kung buligan siya sa kadaugan aduna kitay dugang nga maduolan sa Senado aron pagpangayo og mga mihoras alang sa kalambuan sa Misamis Oriental”, pamahayag ni Gob. Bambi. Gidugang usab niini nga sa bag-ong tahas nga gihatag kaniya maningkamot kini nga makatabang sa pag kumbinse sa mayoryang katawhan sa Rehiyon 10 nga mabuligan ang maong opisyal.