Atol sa gipahigayon nga 42nd Regular Session sa Sangguniang Panlalawigan niadtong Hulyo 6, 2020, mibarog sa hawanan si Board Member Gerardo P. Sabal III isip kabahin sa mayorya sa konseho aron ipanawagan nga sa labing daling panahon ipatungha na sa matag sesyon ang kasamtangan nga Provincial Board Secretary nga mao si Atty. Ernesto Sotto.
Sa iyahang privilege speech, gibutyag ni Board Member Sabal nga dili na angayan pang itugot ang PADAYON NGA DILI PAGTUNGA sa sekreteryo sa mga SESYON SA SANGGUNIANG PANLALAWIGAN.
Gipunto ni Board Member Sabal nga ANG NAG-UNANG ADMINISTRATIBONG GIMBUHATON SA SEKRETARYO MAO ANG MGA RESPONSIBILIDAD NIINI SA KONSEHO LAKIP NA GYUD ANG KANUNAY NGA PAGTUNGA SA MGA SESYON.
Kini nga panawagan sa mayorya nagtumong nga wagtangon ang mga kagubot ug kalibog nga giatubang ug giagian karon sulod sa hawanan Sangguniang Panlalawigan bunga sa dili pagtunga ni Atty. Sotto.
Dugang pahinumdom ni Board Member Sabal na kung ang rason sa sekretaryo sa dili pagtunga sa mga sesyon mao ang ‘PERSONA NON GRATA’ nga gipakanaog batok niini, mahimo ra kining bawion ug kuhaon sa mga nagpakanaog sa maong resolusyon aron makatungha kini sa matag sesyon.
Naglaum si Board Member Sabal ug ang mayorya nga pinaagi sa ilang panawagan nga unta magpakita na sa mga sesyon sa Sangguniang Panlalawigan ang sekretaryo aron sab nga sa hingpit maalagaran pa nila ug mas maayo ang tibouk lalawigan sa Misamis Oriental.