Usa ka garbo ang pormal nga mahinabi ang Ambassador sa United Arab Emirates (UAE) – His Excellency Hamad Saeed Al-Zaabi, sa iyang pag-bisita dinhi sa Misamis Oriental alang sa iyang pangandoy nga maka-bisita sa mga tourist destinations ug ma-sinati ang kultura dinhi sa lalawigan, ug labaw sa tanan ang katumanan sa plano nga intentional intervention sa UAE Gov’t. mahitungod sa paghatod ug mga programang pangkalamboan alang sa Mindanao hilabina sa MisOr, sama sa water system project ug ngadto sa mga health centers.
Gisugat ang maong Ambassador sa Laguindingan Airport kagahapong adlawa- Byernes, Agosto 9, ning tuig, kung asa mainitong mitagbo ang grupo o pami-pamilya sa Muslim Bangsamoro Livelihood Association, Balubal Islamic Cultural Association Inc. (Balubal, Cdeo), Balubal Muslim Cultural Islamic Association Inc. (Tagoloan, Mis. Or.), Mindanao State University, lakip usab ang pangagamhanang lokal sa MisOr pinangunahan ni Atty. Iris Virtudez isip representante ni Gob. Bambi Emano.
Niining panahon sa Eidl Adha kon Feast of Sacrifice alang sa mga kaigsuonang Muslim sa tibuok kalibutan, personal nga makig-himamat usab si UAE Ambassador to the Philippines Al-Zaabi ngadto kay Gob. Bambi Emano karong Lunes-Agosto 12. Ug kung unsa man ang resulta sa ilang panagtagbo maoy angay atangan sa katawhan kay siguradong kalambuan gihapon ang hatod niini sa kinabag-an.