Si Gob. Bambi Emano sa iyang pagdawat sa iyang Wind Vane Award gikan sa PAGASA sa kaulohan. Mao kini ang pinakataas nga pasidungog nga ihatag matag tuig sa DOST-PAGASA alayon sa ilang pagsaulog sa ika-154 nga National ug ika-69 nga World Metreological Day. Ang selebrasyon gipahigayon niadtong Marso 22, 2019 sa PAGASA Science Garden, Agham Road, Diliman Quezon City nga adunay Tema “The Sun, the Earth and the weather.”

Ang Department of Science and Technology-PAGASA nagsugod sa pag hatag ug Wind Vane Award niadtong 2005. Mao kini ang pinakataas nga pasidungog nga ilang itunol ngadto sa mga Individual o Organisasyon nga nakahatag ug undanong tampo sa kusganong pahimangno sa katawhan sa kakuyaw sa epikto sa nagkausab usab nga panahon kon Climate Change ngadto sa katilingban sama sa Bagyo, Linog, Tsunami ug uban pang makalilisang nga porma sa kalamidad.

Gipalanug ni Gov. Bambi Emano ang iyang pasalamat ngadto sa DOST PAG-ASA tungod sa ilang pag-ila sa mga konkretong lakang nga gihimo sa Lalawigan aron makibhangan ang epekto sa climate change ug masigurong luwas ang katawhan panahon sa kalamidad.
CONGRATULATIONS, MISAMIS ORIENTAL!