ANG tibuok kalibotan nagsaulog karon sa World Environment Day ning bulan sa Hunyo nga adunay tema: “Celebrate Biodiversity”.
Apan, dinhi sa Misamis Oriental, tungod kay ginadili pa ang dagkung panagtapok, plano karon sa ulo sa opisina Engr. Presco Valmoria nga saulogon kini pinaagi sa pagpananom kauban ang iyang nga emplyeyado sa Provincial Environment and Natural Resources (PENRO) nga dili maka apekto sa precautionary measure nga gipahamtang sa nasud tungod sa holga batok corona virus.
Kini kalabot gihapon sa marching order ni Gov. Bambi Emano nga moduyog gayud ang probinsiya kabahin sa panawagan sa pagpanalipod sa kinaiyahan. Matud ni Gov. Emano, ang pagsaulog sa World Environment Day isa kini sa panahon nga mapalanog ang tingog sa katawhan nga panalipdan gayud ang kinaiyahan nga maoy bugtong hinungdan kon ngano nagpabiling gaginhawa ug buhi ang nagpuyo sa kalibotan.