1,000 FOOD PACKS SA RELIEF GOODS GIHATAG NI “BONG GO”

Posted: May 27, 2020

27052020-3

SA kanunay masandigan gayud kining si Sen. Christopher Lawrence “Bong” Go panahon sa kapit-os ug kalisod sa kinabuhi dinhi sa Pilipinas. Gani, niadtong Mayo 20, 2020, nagpadangat kini’g kaugalingong hinabang ngadto sa Misamis Oriental sa padayong pakigbatok sa coronavirus disease 2019 ni Gov. Bambi Emano ug Provincial Task Force for COVID-19 chief Dr. Jerie Calingasan sa Misamis Oriental.
Ang hinabang sa Senador pinaagi sa 1,000 food packs nga adunay sulod 2 kilos rice, 4 pancit canton, 3 cans chicken loaf, 3 cans sardines, Birch Tree (150g) milk, og 1 pack sa biscuit.
“To you it might be a little, but to us it’s so huge nga tabang, hilabina nga kinahanglan kaayo ni sa Misamis Oriental. And, wala gani ta kabalo kong kining hagit karon nag sugod paba ta or pahuman naba ta or naa paba sa tonga-tonga,” sulti pa ni Gov. Emano.
Nakatakdang ipangtunol ni Gov. Emano ang maong hinabang ngadto sa mga senior citizens sa entero lalawigan sa Misamis Oriental aron dili na nila kinahanglan manggawas sa ilang mga balay aron mamalit sa ilang pagkaon ning delikadong kahimtang karon sa panahon.