12 KAWANI SA KAPITOLYO GI-REGULAR NI GOV. BAMBI

Posted: August 7, 2020

782020-8

KAGAHAPONG adlawa, Agosto 3, 2020, gipirmahan ni Governor Bambi Emano ang appointment papers sa dugang 12 ka mga empleyado gikan sa nagkalain laing mga departamento sa kapitolyo probinsyal.
Ang maong appointment alang sa regularization sa upat ka empleyado gikan sa Provincial Risk Reduction Management Office (PDRRMO), duha gikan sa Provincial Environment and Natural Resources Office (PENRO), duha gikan sa Provincial Engineering Office (PEO), isa gikan sa Provincial Governor’s Office (PGO), isa gikan sa Provincial Agriculture Office (PAGRO), usa gikan sa MOPH-OWWA Alubijid, ug laing usa ka Admin Officer I.
Niaging semana una na nga nag-regular si Governor Bambi sa mga health workers ug mga frontliners nga nakigbatok sa Corona Virus Disease.
Atol sa appointment sa mga empleyado, subling gipahinumdum ni Governor Bambi ang mga na-regular nga magserbisyo sa katawhan taman sa makaya sa ilang kapabilidad susama sa iyang serbisyo nga gihatag sa katawhan sa Misamis Oriental.
Subli sab nga gipahinumdum sa amahan sa lalawigan ang mga empleyado nga prayoridad kanunay ang pagserbisyo sa mga kabus ug sa kanunay pagbantay ilang mga lihok kay mahimo kining repleksyon sa kapitolyo.
Atol sa mga pahinumdum ni Governor Bambi nagpadayag sa ilang pag-uyon ang mga bag-ong na regular nga empleyado ug nagsaad nga ilang tumanon ang tanang mga pahinumdum sa gobernador hilabina ang pag-alagad sa mga kabus.