15 KA LUNGSOD GIHATAGAN OG 80 KA STEEL RULE SA PHO-NUTRITION DIVISION

Posted: August 3, 2020

382020-7

MOKABAT 80 ka mga steel rule ang gitunol alang sa mga kabarangayan sa 15 ka lungsod sa lalawigan sa Misamis Oriental.
Atol sa sinemana nga virtual flag raising ceremony sa Kapitolyo Probinsyal niadtong Hulyo 27, 2020 mitunol sa 80 ka steel rule ang Nutrition Division sa Provincial Health Office sa pagpanguna sa Head niini nga si Ms. Marites Gomez.
Ang paghatag niini gipaagi gihapon sa virtual ceremonial turn-over nga gisaksihan ni Governor Bambi Emano ug Board Member Nancy Madjos kinsa chairman sa Committee sa Health and Sanitation sa Sangguniang Panlalawigan.
Gitakda kining i-apod-apod sa mga barangay sa lungsod sa Alubijid, Balingasag, Balingoan, Binuangan, Claveria, Gitagum, Initao, Lagonglong, Laguindingan, Libertad, Lugait, Magsaysay, Salay, Sugbongcogon ug
Talisayan.
Gipasabot nga ang steel rule mao ang ekipo nga gamit sa pagsukod sa timbang sa mga bata ug importante kini tungod kay nakatutok karun ang National Nutrition Council sa pagpa-ubos sa mga kaso sa wala pagtubo o stunting sa mga kabataan.
Gani, ang tema sa pagselebrar sa Nutrition Month ning bulan mao ang ‘Batang pinoy, sana tall. Iwas stunting, sama all’.
Gihatagan og gibug-aton ni Ms. Gomez nga ang pagsukod sa katas-on sa bata uban sa upat ka indicators sa malnutrisyon mao ang pagsunod sa Republic Act 1148 o Kalusugan at Nutrisyon ng Magnanay Act kung diin nakasentro kini sa unang 1,000 ka adlaw sa bata kay mao kini ang crucial stage.
Gitawag usab kini nga golden window of opportunity kung diin mahatagan og atensyon kung unsa ang mga panginahanglanon sa kabataan.
Ang steel rule usab mao ang rekomendado nga ekipo sa National Nutrition Council alang sa insakto nga pagsukod sa katas-on sa bata.
Kaniadto pa ang pagpanghatag sa Nutrition Office sa probinsya sa mga steel rule sa mga barangay sukad sa pangagamhanan ni Governor Bambi kon diin ning bag-o lang nasakmit sa lalawigan ang kung adunay pinakaubos nga numero sa stunting sa tibouk Rehiyon 10.