Migradwar ang kinsi (15) ka mga benipisyaryo sa Strengthening the Philippines Workforce through Adaptive and Responsive Digital Knowledge (SPARK) Program sa lalawigan adlwang Huwebes – Disyembre 18, 2025. Nanguna sa pagbansay ang Provincial Youth Development Office katimbayayong ang Department of Information and Communications Technology of the Philippines ug Department of the Interior and Local Government nga nagsugod niadtong Nobyembre 14 ning tuiga.

Miluntad ang pagbansay sulod sa 22 ka adlaw nga gilangkuban sa ubay-ubay nga mga topics sama sa Digital literacy, Data managemen, Cybersecurity awareness ug uban pa. Sa mensahe nga gipaabot ni Governor Juliette uy pinaagi ni Provincial Management Information Sytem Head- Mr. Candido B. Balaba Jr gibutyag niini ang dakong kalipay sa kalampusan sa tanan mi gradwar sa SPARK nga Programa. Dugang pa niini nga ang mga benipisyaryo mao ang ehemplo sa kabatan-onan nga adunay deteterminasyon, kahibalo ug kaisog sa pag-atubang sa mga hagit sa modernong kalibutan.

Samtang dako ang pasalamat ni SPARK beneficiaries Ms. Neil Sigrid Dacoroon kay Governor Juliette Uy sa dakong suporta nga gihatag kanila ug sa tanang nagpaluyo sa maong programa tungod sa kahibalo nga gipaambit kanila. Kahinumduman nga kini nga inisyatiba alayon sa tinguha ni Governor Juliette Uy nga ang mga kabatan-onan makabaton og trabaho ug panginabuhian sa umalabot aron usa sa pamaagi nga maka BANGON ang Misamis Oriental.

By: Ellen Mae Lahinao/PIO

Hulagway kuha ni: Charm Andy Pacamalan/PIO