192 NPA, MILITIA NG BAYAN MITAHAN KANG LT. COL. DERILO

Posted: February 28, 2020

MIKABAT sa 192 ka miyembro sa New People’s Army (NPA) og militia ng bayan ang mi-surrender sa kasundalohan sa pamunuan ni 58th Infantry Battalion, 4th Infantry Division, commanding officer Lt. Col. Roy Anthony Derilo.

Sa pakighinabi sa Lambo, MisOr! TV ngadto kang Lt. Col. Derilo niadtong Pebrero 17, 2020, kini nagkanayon ang 192 nga ihap upat hangtud unom lamang ka porsiyento sa grupong NPA nga mibalik sa sabakan sa gobyerno.

“192 sa ako lang nga term and it’s not really counting, but it’s really thinking the lives that have been saved. Ga ampo ko nga dili lang gyud (mag-giyera pirme), sa sige og operation ang purpose gyud is to keep the pressure to force them to think ang reconsidering option nila nga why not go down kay maayo ang offer sa government hilabina sa panahon ni Pres. Duterte nga grabe mo reach out,” sulti ni outgoing commanding officer Lt. Col. Derilo, kinsa ma-assign na sa 4ID sa Patag.

Sa pakisusi sa Lambo, MisOr! TV, hisayran nga padayon ang pagsaka sa ihap sa mitahan nga mga miyembro sa rebeldeng grupo dinhi sa Misamis Oriental human usab nila makita ang sinseridad, katarong ug kaligdong sa pamunuan ni Gobernador Bambi Emano, kinsa hugot nga nagsuporta sa maayong programa nga gipatuman ni Lt. Col. Derilo sa iyang area of jurisdiction.