1M Cash Gihatag ni Gobernador Bambi Emano sa NMMC

Posted: March 17, 2020

89591283_567428583868164_4507403314832343040_n

Personal nga gitunol ni Gobernador Bambi Emano ang cash nga nagkantidad ug usa ka milyon ka pesos ngadto sa pamunuan sa Northern Mindanao Medical Center kun NMMC subay sa iyang commitment pagtabang kanila taliwala sa padayong hulga sa covid-19.

Gipasabot sa Gobernador nga anaa na sa pamunuan sa NMMC kung unsaon nila pagamit ang maong pondo masiguro lang ang kaluwasan sa mga medical staff, mga suspected covid patients ug uban pang pasyente nga naadmit sa maong tambalanan.

Mapasalamaton ang head sa NMMC nga si Doktor Jose Chan kang Gobernador Emano tungod sa hugot nga suporta kanila nonot sa giatubang nga krises sa nasud.

Subay niini, muabag sab ang Kapitolyo sa pagpagamit sa mga coaster buses alang sa mga nurses, doktor ug ubang medical staff sa naasoy nga hospital human masayri sa Gobernador nga gibalibaran sila sa mga pampublikong mga sakyanan nga makasakay labi pa kung kini naka uniporme ug NMMC, hinuon, sabutan pa nilang Dr. Chan ug Dr. Jerie Calingasan sa Provincial Health Office ang pamaagi sa pagamit sa maong bus.