2 COOP SA MISOR, NAKADAWAT AYUDA

Posted: June 24, 2020

24062020-3

LAING duha pa ka kooperatiba sa Misamis Oriental ang nakadawat sa financial assistance gikan sa panudlanan sa kapitolyo atol sa ika-12 nga virtual flag-raising ceremony. Didto mitambong sa maong okasyon sa Cooperative Development Authority – 10 Regional Director Glen Garcia ug CDA-10 acting supervising cooperative development specialist Ms. Marissa Catubig.
Gitunol ni Gov. Bambi Emano ang P100,000 cash assistance ngadto sa Opol Women’s Entrepreneurship Credit Cooperative (OWECCO) alang sa dugang capital sa ilang negosyong sari-sari store ug pautang sa mga miyembro; ug P150,000 cash assistance usab ngadto sa Dampias Multi-Purpose Cooperative (DAMUPCO) isip ayuda sa ilang negosyo nga commercial rice, hog feeds, ug grocery items.
Nahimong malampuson ang paghatag ayuda uban sa tabang ni Provincial Cooperative Officer Alberto Acain, Board Member Dexter Yasay, ug Binuangan SB member Elvie Ty.
Mapasalamaton uyamot ang mga miyembro sa nasangpit nga duha ka kooperatiba sa pagtagad nga gihatag ni Gov. Emano hilabina kanila nga naningkamot lamang intawon bisan sa ginagmay makatabang sa ilang panginabuhian.