LAING duha ka mga Child Development Center ang gitunol sa Brgy. Gasi ug Brgy. Liberty, Laguindingan ning probinsya. Kini human sa gipahigayong Blessing & Ceremonial Turn-over sa mga imprastraktura sa nasangpit nga barangay. Ang duha ka mga proyekto dunay kantidad nga P3,265,694.81 ug P3,251,358.39 ang mga kinatibuk-ang kantidad niini. Adunay kini kadak-on nga 81sqm nga adunay Activity Area, Play Area, Study Area, Nap Area, ug mga Comfort Room. Sa mensahe ni Gov. Peter ‘Sr. Pedro’ M. Unabia iyang gipabati kung unsa ka importante nga mahatagan ug saktong edukasyon ang mga kabataan. Anaa si Gov. Unabia, SP Board Members Bobet De Lara ug Panky Acain, former SP Board Member Nancy Madjos, Laguindingan Mayor Diosdado Obsioma, Gasi Brgy. Captain Gembot E. Bagas, Liberty Brgy. Captain Precopio Magsalay Jr. ug uban pang mga kadagkoan.

Kabahin kini sa tinguhang makubsan ang kapobrehon sa probinsya sa SDPI program ug nakalatid sa PAGLAUM Agenda ni Gov. Unabia sa letrang ‘M’ ug ‘A’ kon Mobilization of Resources Through Equitable Sharing ug Aggressive Programs for Youth Welfare and Development.

By: Asthea Torrecampo/PIO

Hulagway kuha ni: Charm Andy Pacamalan/PIO