2 KIA VEHICLE, GI-TURNOVER SA PAGRO

Posted: April 23, 2020

93782775_589240298353659_1183892170180919296_o

NUNOT na usab sa paningkamot ni Gov. Bambi Emano nga mapadayon ang kalihukan sa mga mag-uuma, mangingisda ug kadtong anaa sa hog-raising sector tonga-tonga ning krisis nga dala sa coronavirus disease 2019 (COVID-19), gitunolan niini og duha ka sakyanan ang Provincial Agriculture Office (PAGRO), niadtong Lunes, Abril 13, 2020.

KIA nga van ug Bongo type vehicle ang PAGRO nga nagkinahanglan kaayo niini alang sa pagpalapad sa serbisyong agrikultura dinhi sa Misamis Oriental, hilabina ang mga mag-uuma nga maglisod sa paghatud sa ilang abot ngadto sa kamerkadohan.

Matud ni Provincial Agriculturist Jose Apollo Pacamalan, ubos kini sa programa ni Gov. Emano nga “expanded marketing program” aron masiguro nga adunay mapalit nga pagkaon ang katawhan ning nasinating krisis.

Una nang nag-apod apod ang pamunuan ni Gov. Emano og binhi sa mga mag-uuma aron masiguro nga gdunay matanom sa kayutaan dinhi sa lalawigan.