2 MISOR CANDIDATES SA NATIONAL PAGEANTS, MIDAWAT AYUDA

Posted: June 8, 2020

862020-9

DAKUNG kalipay sa duha ka pambato sa Misamis Oriental ngadto sa national pageantries sa ilang nadawat sa financial assistance pinaagi kang Gov. Bambi Emano alang sa ilang laraw. Si Caroline Joy Veronilla ngadto sa Miss Universe Philippines 2020, ug Isobel June Teano para sa Miss Earth Philippines 2020 nanganti nga buhaton ang tanan aron maangkon ang kadungganan sa Misamisnon.
Pasalamat sa duha ka dalaga tungod kay wala sila pasagdi, inay nagahinan sila og pundo sa kapitolyo isip hinabang aron mahagkapan intawon ang ilang galastuhan sa pagpaila sa Misamis Oriental dili lamang sa Mindanao ug tibuok Pilipinas, apan sa entero kalibotan.
Matud pa ni Isobel nga bisan paman nagsugod na ang kompitisyon sa Miss Earth Philippines 2020 pinaagi sa virtual competition, wala gihapon siya mawad-e og paglaum nga masakmit ang korona. Bisan si Caroline mapasalamaton usab kang Gov. Emano ug Provincial Tourism Officer Atty. Jeffrey Saclot, tungod kay hangtud karon sila nagatuo sa ilang abilidad ug katakos ngadot sa national competition.
Alang kang Gov. Emano ug Atty. Saclot, daug na daan ang duha ka dalaga sa kasing-kasing pa lang sa Misamisnon.