GOV. UNABIA MOHATAG PANGINABUHI-AN SA KABATAN-ONAN

APROBADO ni Gov. Peter Unabia ang pinansiyal nga ayuda sa organisasyon sa mga batan-on sa lalawigan.
Sa gihimong orientation sa Provincial Youth Development Office ngadto sa mga Sangguniang Kabataan Federation Presidents, gikabutyag nga mokabat sa siento singkwenta mil (150,000) hangtud dos sientos (200,000) mil pesos ang mahatag nga ayuda sa mga youth organization. Kini nga livelihood assistance gilangkuban sa mosunod, Mushroom culture, Rabbit and Duck production, Hito, Tilapia, Carpa, ug Bangus farming.
Gibutyag ni PYDO head Ms. Allyn Peñalosa ug SK Federation president Kerwin Jess Soldevilla nga ipa-ubos sa pagbansay-bansay ang mga organisasyon uban sa pag-abag sa Department of Trade and Industry aron masiguro nga mapatuman nila ang programa sa panginabuhi-an.

By: Rejiann Ammor R. Maygay/PIO

Hulagway kuha ni: Marvin Gilig/PIO