“ADOPT A BARANGAY” SA KAPITOLYO PROBINSYAL, GIHINGUSGAN SA GOBERNADOR

GIAWHAG ni Governor Peter Unabia ang mga department heads nga mobisita na sa mga barangay nga naka assign sa ila ubos sa “Adopt a barangay program”.
Gi-presintar ni Gov. Unabia ang nakitang mga problema sa maong barangay human mibisita ang governor’s office sa maong lugar. Lakip sa angayang hatagan sa pagtagad sa local nga kagamhanan sa maong barangay ang kakulangon sa tubig nga mainom, skwelahan, dormitoryo sa mga magtutudlo, mga mananap nga pang- uma, ug truck nga pangkarga sa ilang mga abot.
Gidugang sa gobernador nga mas daling mahatagan og aksyon kung makita sa mga kadagkuan sa Kapitolyo ang mga problemang nasinatian sa katawhan.
Gipasalig usab sa gobernador nga mahatagan og higayon ang mga barangay nga mabisitahan sa Panggamhanang Probinsyal subay sa PAGLAUM development agenda.
By: Nefilim Diaz/PIO

Hulagway kuha ni: Marvin Gilig/PIO