“PAGLAUM SA AGRINEGOSYO NI BOSS”

Gisugdan sa Provincial Youth Development Office (PYDO) ang programang “PAGLAUM sa AgriNegosyo ni Boss” ni Governor Peter Unabia.
Ang seminar workshop sa mga kabatan-onan nagtumong paghatag kahibalo kanila para sa himoon nilang livelihood projects. Usa sa benepisyaryo niini nga kalihokan ang BING Youth Movement/PAGLAUM Youth Villanueva sa lungsod sa Villanueva.
Kahinomduman nga una nang gi-aprobahan ni Gov. Unabia ang livelihood projects sa Provincial Youth Council nga hydroponics, rabbit ug duck production, ug tilapia and bangus farming, ug uban pa.
Mokabat sa Trentay Singko (35) ka mga batan-on gikan sa Villanueva ang maka-benepisyo sa implementasyon sa maong programa.
Ang maong kalihokan gi-ubanan kini sa Department of Trade and Industry.
Si Registered Philippine Agriculture Engineer (RPAE) Mr. Gerry Robles Burdas ang naghisgot sa Enterpreneurial Mind-setting and Values Formation.
Nangulo sa nasangpit nga kalihukan si PYDO Head Ms. Allyn Peñalosa uban sila DTI Chief Trade & Industry Development Specialist Ms. Jesse Abear ug DTI Negosyo Center Business Counselor Ms. Judith Joy Polestico.
Anaa usab ang presensya ni Provincial Consultant on Youth Affairs Ms. Lyn Sabellano.
Sulat Ni: Rejiann Ammor R. Maygay/PIO

Hulagway kuha ni: Marvin Gilig/PIO