MISAMIS ORIENTAL, NAKADAWAT SA HALL OF FAME AWARD

GIPASIDUNGGAN ang lalawigan sa Circle of Excellence: Hall of Fame Award ning tuiga. Kini agi’g pag-ila sa paningkamot sa kagamhanang probinsyal pagpatuman sa nagkadaiyang nutrition programs sa Provincial Nutrition Committee- Misamis Oriental.
Ang lalawigan dunay pag-ubos sa stunting prevalence cases kon problema sa pagtubo sa mga bata nga nag-edad sa 0-59 month-old sulod sa sunod-sunod nga tulo ka tuig base sa Operation Timbang (OPT) plus reports.
Ang maong pasidungog gitunol mismo sa kadagkuan sa National Nutrition Council ngadto nila Committee on Health Chairman Provincial Board Member Rey Buhisan ug Provincial Nutrition Division Committee Head Ms. Marites Gomez.
Midawat sab sa susamang pasidungog ang trese (13) ka mga lungsod nga gilangkuban sa Alubijid, Balingasag, Balingoan, Claveria, Jasaan, Lagonglong, Naawan, Opol, Salay, Sugbongcogon, Tagoloan, Talisayan ug Villanueva. Ang pasidungog gitunol atol sa 2022 Regional Nutrition Awarding Ceremony niadtong Nobyembre 25, 2022.
By: Rejiann Ammor R. Maygay/PIO

Photos Courtesy: Provincial Nutrition Committee- Misamis Oriental