loader image

PASKO SA BILANGGO, GILUSAD

OPISYAL nga gilusad sa Misamis Oriental Provincial Jail (MOPJ) ang “Pasko sa Bilanggo” ning tuiga. Giselebrar sa mga Persons Deprived of Liberty (PDL) ang unang adlaw sa kalihokan pina-agi sa ilang pagsayaw ug kanta sa Christmas carol.
Gibutyag ni “Ado”, usa ka PDL nga gikalipay niya ang maong kalihokan aron nga matagaan silag higayon nga magsaulog sa kapasokohan bisan pa man sa ilang kalisod nga gibati isip binilanggo.
Dako usab ang pasalamat ni Ado kay Provincial Warden Robert Roy V. Bahian ug ni Governor Peter Unabia sa ilang panghingusog nga matagaan og higayon ang mga binilanggo nga magsaulog sa pasko pina-agi sa maong selebrasyon.
Ang selebrasyon molungtad sa usa ka semana sugod sa Disyembre 5 ning tuiga.

By: Nefilim Diaz/PIO


Hulagway kuha ni: Charm Andy Pacamalan/PIO