LUPONG TAGAPAMAYAPA INCENTIVES AWARDS GITUNOL SA 7 KA BARANGAY SA PROBINSYA

PITO ka mga barangay ang nakadawat sa Lupong Tagapamayapa Incentive Awards gikan sa Panggamhanang Probinsya katimbang ang Department of Interior and Local Government (DILG).
Kini gilangkoban sa Brgy. Burnay sa Gitagum, Brgy. Aromahon sa Laguindingan, Brgy. Candiis sa Magsaysay, Brgy. Poblacion sa Lugait, Brgy. Andales sa Initao, Brgy. Barra sa Opol ug Brgy. 18-A sa Gingoog City.
Isip usa sa mga awardee, mapasalamaton og dako si Brgy. Burnay Captain Hon. Romulo Terrado sa ahensya sa DILG ug sa Panggamhanang Probinsya tungod sa talagsaong pag-ila kanila.
Gibutyag niini nga usa sa ilang pamaagi ang pagsugod sa husay pinaagi sa pag-ampo aron dali nga mahusay ang panagbingkil sa ilang mga ginsakupan.
Ang maong award usa ka pag-ila sa mga talagsaong mga lupong tagapamayapa nga nagpakita sa katakos sa paghusay sulod sa ilang barangay.

By: Jane Salimbao/PIO

Hulagway kuha ni: Marvin Gilig/PIO