PAGLAUM HELP DESK, GILUSAD SA MGA MOPH

OPISYAL nga gilusad ang PAGLAUM Help Desk sa Misamis Oriental Provincial Hospital (MOPH). Tumong sa PAGLAUM Help Desk nga makahatag og serbisyong medikal sa katawhan hilabi na sa mga kabus.
Lakip sa serbisyo sa PAGLAUM Help Desk ang pag hatag tabang sa mga gastohanan sa laboratoryo. Namugna ang PAGLAUM Help Desk pina-agi sa pakiglambigit sa MisOr Cares, Provincial Social Welfare and Development Office, ug mga balay tambalanan sa lalawigan.
Kahinumdoman nga dunay 8 ka mga hospital sa lalawigan nga gilangkoban sa Talisayan, Gingoog, Claveria, Alubijid, Initao, Manticao, Magsaysay, ug Balingasag.
Nagpasalamat si MOPH Talisayan Chief of Hospital Dr. Rhea Austria sa dakong suporta ni Governor Peter “Sr. Pedro” Unabia nga makahatag og serbisyo sa hisgutanang panglawas ubos sa PAGLAUM strategic direction.

By: Nefilim Diaz/PIO

Hulagway kuha ni: Marvin Gilig & Arnie Saniel/PIO