loader image

LAWAAN SEEDLINGS GITUNOL SA PROVINCIAL LIBRARY NGADTO SA ENRO

GITUNOL ni Provincial Library Misamis Oriental ang gatusan ka mga Lawaan Seedlings ngadto sa Provincial Natural Resources Office (ENRO) pinaagi ni Ferdinand Dagulo kauban sa kolaborasyon sa CENRO Initao ni Jerome Pioquinto.
Ang programa subay sa selebrasyon sa 64th Public Library Day diin ang library nakiglambigit sa environmental action nga makatabang sa pagpabalik sa kalidad sa kinabuhi sa atong komunidad.
Kahibaloan nga ang Kahoy nga Lawaan daku ug ikatabang sa pagpugong sa baha. Makatabang usab kini sa pag protehar sa atung kinaiyahan sa Lalawigan.
Kini subay sa programang pang-agrikultura ni Governor Peter “Sr. Pedro” M. Unabia og gugma sa kinaiyahan.
Hisayran kabahin kini sa Paglaum Development Agenda sa Gobernador sa Letrang A kun Agriculture Development for Poverty Eradication og letrang G kun Goal Oriented Tourism Development.

By: Angela Duat/PIO

Photos courtesy: Misamis Oriental Provincial Library fb page