DEPED MIS. OR GIKALIPAY ANG DAKONG SUPORTA NI GOBERNADOR UNABIA

GIPASALAMATAN ni Schools Division Superintendent, Dr. Edilberto L. Oplenaria si Gobernador Peter “Sr. Pedro” M. Unabia tungod sa padayong suporta niini sa Department of Education (DepEd) sa Misamis Oriental.
Atol sa gipahigayong Local School Board Executive Meeting daling naaprobahan ang 9 milyones nga Budget alang sa mga Athletic Delegation sa Misamis Oriental.
Matud ni Dr. Oplenaria, ang 5 milyones maoy bahin alang sa Regional Meet og ang 4 milyones alang sa National Meet.
Samtang ang Division sa Misamis Oriental maoy morepresentar alang sa Regional Meet nga pagadulaon sa umaabot bulan sa Abril nga langkuban sa 4 ka mga lugar sa lalawigan sa Lanao, Del Norte, Misamis Oriental, Davao City , ug Camiguin.
Gikalipay usab ni Dr. Oplenaria ang natagamtamang suporta gikan sa Gobernador ngadto sa mga kabataan hilabina sa mga Athleta.
Nakalatid ang maong kalihukan sa PAGLAUM strategic Program sa gobernador sa Letrang A kon Aggressive Programs for Youth Welfare and Development.

By: Jeneva C. Chacon/ PIO

Hulagway kuha ni: Marvin Gilig/PIO
#GovPUnabia #Edukasyon