GIPATUMAN sa Misamis Oriental ang MATATAG curriculum niining School Year 2024-2025. Kini gilangkoban sa unang hugna sa Kindergarten level ug Grades 1, 4 ug 7. Subay sa phased implementation niini musunod ang Grades 2, 5 ug 8 sa SY 2025-2026; Grades 3, 6 ug 9 sa SY 2026-2027; ug, Grade 10 sa SY 2027-2028. Dunay kwatro sientos nobentay dos (492) ka skwelahan ug dul-an singko mil (4900) ka mga classrooms uban sa kapin otso mil (8,201) ka teachers and faculty ang tibuok lalawigan. Matud ni Department of Education Division of Mis Or Information Officer Mark Lorren Tejano nga nakaandam na ang lalawigan sa gipatumang curriculum. Duna nay gigahing pondo aron maka-print sa nagkadaiyang learning materials sama sa gikinahanglang manuals ug activity sheets subay sa MATATAG agenda. Lakip sa kausaban niini ang kaniadto nga pito (7), karon nahimo nang lima (5) ang learning foundational skills kon subjects. Kini ang language, reading and literacy, mathematics, makabansa ug Good Manners and Right Conduct (GMRC). Dugang pa niini malampuson ang pag-abli sa klase dinhi sa Mis Or kung asa 100% sa mga tulonghaan ang nag-bukas niadtong Hulyo 29, 2024.

Kini nga kooperasyon pagpalambo sa kalidad sa edukasyon nasubay sa PAGLAUM development agenda ni Gov. Peter “Sr. Pedro” Unabia ubos sa mga letrang P ug A kon Participatory governance ug Aggressive programs for youth welfare and development.

By: Rejiann Ammor R. Maygay/PIO

Photo courtesy: Dep Ed Division of Mis Or