PESO, PMIS NAGPAHIGAYON OG JOB FAIR SA 76TH ARAW NG JASAAN
KAPIN usa kalibo (1326) ka job vacancies ang gitanyag sa Public Employment Service Office (PESO) Misamis Oriental sa 76th Araw ng Jasaan Job Fair. Kauban sa PESO ang Provincial Management Information System (PMIS) sa maong kalihokan. Katorse (14) ka private employers ang nisalmot sa maong kalihokan nga gilangkoban sa dose (12) ka local ug duha (2) ka overseas employment.
Matod ni Jasaan Municipal Mayor Redentor Jardin, dako kini nga oportunidad nga makakitag trabaho ang katawhan sa ilang lungsod. Gidugang ni Jardin nga usa kini sa mga pamaagi nga mapakunhod ang kapobrehon sa lalawigan ug makab-ot ang direktiba sa administrasyong Unabia nga single-digit poverty incidence (SDPI). Samtang gibutyag ni Jasaan PESO Manager Perseverando Macabasa nga magpadayon gihapon ang hiring sa mga kompanya kung ugaling dili maka-apas sa job fair ang mga aplikante pinaagi sa pagbisita sa PESO office.
Kabahin kini sa PAGLAUM development agenda ni Governor Peter “Sr. Pedro” Unabia ubos sa letrang L kon Livelihood and Employment Thru Industry Development.
By: Nefilim Diaz
Pagpanguna nila Jasaan Mayor Jardin, PMIS-OIC Ronald Castillo, ug Jasaan PESO Manager Perseverando Macabasa sa ribbon cutting sa job fair.
Pagsusi sa mga job seekers sa hiring agencies.
Pagdagsa sa mga job seekers.
Hired on the spot nga aplikante sa usa ka manpower agency.
