MOKABAT sa dos sientos singkwentay singko (255) ka mga kooperatiba gikan sa nagkadaiyang dapit sa rehiyon 10 ang aktibong misalmot sa kick-off activity sa 2024 National Cooperative Month celebration. Dul-an dos mil (2,000) ka mga indibidwal gikan sa mga nagkalain-laing kooperatiba ang misalmot ug nagpakita sa ilang suporta. Kini nga selebrasyon gihimo sa Kapitolyo Probinsyal isip host province nga gisugdan pinaagi sa santos nga misa ug gisundan sa parade sa tanang mga kooperatiba lakip na ang Cooperative Development Authority-10.
Subay kini sa Republic Act No. 11502 nga nag-deklara sa bulan sa Oktubre matag tuig isip National Cooperative Month diin karong tuiga kini dunay temang “Cooperatives: Stronger Together Today for a Brighter Tomorrow.” Misalmot mismo sa kalihokan sila CDA Assistant Secretary Myrla Paradillo, CDA-10 Regional Director Aminoden Elias ug uban pang mga kadagkoan sa sektor sa kooperatiba.Gipresenta usab ang mga kandidato sa Mr. and Miss Coop 10 2024 ug laumang duna pay mga kalihokan nga pagabuhaton sulod sa maong bulan.
Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda ni Governor Peter “Sr. Pedro” Unabia sa letrang “P” kon Participatory Governance.
By: Jane Salimbao/PIO
Hulagway kuha ni: Charm Andy Pacamalan/PIO